Д.Медведев Каспий жағалауының ынтымақтастығы туралы әңгімелеседі
АСТАНА. Тамыздың 17-сі. ҚазАқпарат - Ресей Президенті Дмитрий Медведев Астрахан облысына жұмыс сапары барысында, бүгін, дүйсенбі күні Каспий жағалауы ынтымақтастығының мәселелері бойынша кеңес өткізеді,
деп хабарлайды «РИА «Новости» агенттігі Мемлекеттік кеңестегі дерек көзге сілтеме жасап.
Соңғы жылдары Ресейдің Каспий жағалауындағы елдермен - Әзірбайжан, Қазақстан, Түрікменстан және Иран елдерімен арадағы сауда-экономикалық қарым-қатынастары қарқынды дамып келеді. 2008 жылы Ресейдің аталған елдердің тобымен арадағы тауар айналымы 26,7 миллиард долларды құрап, 2007 жылғы көрсеткіштен 21 пайызға өскен.
