Д.Медведев Кеден одағының Кедендік кодексі туралы келісімшартты бекіту туралы заңға қол қойды

АСТАНА. Маусымның 3-і. ҚазАқпарат - Ресей Президенті Дмитрий Медведев 2010 жылы мамырдың 21-інде Мемлекеттік Дума қабылдаған және мамырдың 26-сында Федерация кеңесі мақұлдаған «Кеден одағының Кедендік кодексі туралы келісімшартты бекіту туралы» федеральдық заңға қол қойды, деп хабарлайды РБК агенттігі.

Бұл Келісімшартқа 2009 жылы қарашаның 27-сінде Минскіде қол қойылған болатын. Келісімшартқа қолдың қойылуы РФ, Беларусь және Қазақстан елдерінің арасындағы ықпалдастықтың тереңдеуін ескере отырып ЕурАзЭҚ аясындағы Кеден одағының құқықтық базасын қалыптастырудың қажеттілігінен туындап отыр.

Келісімшарттың мақсаты - Кеден одағының бірыңғай кедендік аумағында кедендік үйлестіруді қамтамасыз ету болып табылады.