Дағдарысқа қарамастан елордада 8 мектеп пен 5 балабақшаның құрылысы салынып бітеді ? Білім басқармасының бастығы

АСТАНА. Наурыздың 13-і. ҚазАқпарат /Жасұлан Жолдыбаев/ - Астанада құрылысы басталған 8 мектеп пен 5 балабақша салынып бітеді. Бұл туралы бүгін қала мектептерінің мұғалімдеріне Елбасы Жолдауын түсіндіруге арналған интерактивті сабақ барысында Астана әкімдігі Білім басқармасының бастығы Әсима Бимендина мәлім етті,

деп хабарлайды ҚазАқпарат. Оның айтуынша, Елбасының Жолдауына сәйкес қаладағы білім мекемелерінің ескі нысандарын күрделі жөндеуден өткізу жоспарланған. «Астанадағы 4 мектеп пен бір балалар үйіне күрделі жөндеу жасалады. Оған бюджеттен 180 млн. теңге бөлінді. Сонымен қоса, Алматы ауданы әкімдігіне 5 мектеп жасына дейінгі балалар мекемелерін әрлеуге 100 млн. теңге қарастырылған. Ал Сарыарқа ауданының әкімдігіне қарасты балабақшаларды жөндеуге 174,2 млн. теңге бөлінді», деп атап көрсетті ол.