Дағыстанда қуатты бомба залалсыздандырылды
АСТАНА. ҚазАқпарат - Дағыстанның Хасавюрт қаласында қуаты 25 келі тротилге тең бомба залалсыздандырылды, деп хабарлады «Жаңалықтар» РАА.
РФ Ұлттық антитеррорлық комитет мәліметтерінде қолдан жасалған жарылғыш зат салынып жатқан көп қабатты тұрғын үйден табылғаны айтылады. Құрылыс алаңының күзетшілері белгісіз нәрсені байқап, полицияға хабарлаған.
Федералды қауіпсіздік қызметінің мамандары аймақты қоршауға алып, жүздеген адамның өмірін қия жаздаған лаңкестіктің жолын кесті.
