Дағыстандағы жол-көлік оқиғасы кезінде мерт болғандардың саны 11 адамға жетті
МӘСКЕУ. Шілденің 28-і. ҚазАқпарат - Нақтыланған деректер бойынша Дағыстандағы жол-көлік оқиғасы кезінде мерт болғандардың саны 11 адамға дейін өскен,
деп хабарлайды ҚазАқпарат Интерфакс агенттігіне сілтеме жасап.
Бұған дейін Дағыстанның Ноғай ауданында үш ВАЗ автокөлігінің соқтығысуы кезінде екі баланы қоса алғанда тоғыз адамның опат болғаны хабарланған болатын. РФ ТЖМ Оңтүстік аймақтық орталығы он адамның опат болғанын хабарлады.
Апат кеше Мәскеу уақыты бойынша сағат 21:47-де Дағыстанның Ноғай ауданындағы Тереклі - Кизляр автожолында орын алған.
