«ДАИШ» хакерлері АҚШ Мемлекеттік департаментіне кибершабуыл жасады
АСТАНА. ҚазАқпарат - Хакерлер АҚШ Мемлекеттік департаменті қызметкерлерінің жеке мәліметтерін ұрлап, оларды өлтіргісі келетінін айтты, деп хабарлады life.ru.
«Ислам мемлекеті» содырларын қолдайтын хакерлер АҚШ Мемлекеттік департамент қызметкерлерінің аты-жөндері, телефон нөмірлері және өзге жеке ақпараттарын ұрлаған. Олар дәлел ретінде бірнеше скриншот суретін де хабарламаларында жария еткен, деп жазады америкалық БАҚ.
«Біріккен Кибер-Халифат» мүшелері Мемлекеттік департамент өкілдерінің мәліметтерін ұрлап қана қоймай, оларды өлтіру үшін іздеп жүргенін мәлімдеген. Ведомствода бұл жағдайға әзірге еш түсініктеме берілген жоқ.
