Дамаскіде Ресей елшілігі орналасқан аудан минометпен атқыланды
АСТАНА. 4 қыркүйек. ҚазАқпарат - Дамаскіде Ресей елшілігі қоныстанған аудан қарқынды миномет шабуылына ұшырады. Бұл туралы Бейрут пен Дамаскідегі Ресей дипломатиялық өкілдігінің қызметкерлері мәлім етті, деп хабарлады Утро.ру.
«Бүгін таңертең жергілікті уақыт бойынша сағат 08:00-мен 10:30 аралығында елшілікке тақау аудан минометпен жіті атқыланды. Шамамен 20 мина құлады. Елшілік қызметкерлері зардап шеккен жоқ. Жергілікті 4 тұрғын жараланып, біреуі қаза тапты», - деді Дамаскідегі РФ елшілігінің өкілі.
