Дамир Исмағұлов М-1 Global чемпионы атанды
АСТАНА. ҚазАқпарат - Орынборда өткен M-1 Challenge 78 турнирі аясында этникалық қазақ Дамир Исмағұлов (8-2) ресейлік Максим Дивничпен (13-2) айқасты, деп хабарлайды Sports.kz.
«Бес минуттан бес раунд» форматында жеңіл салмақтағы чемпиондық атақ үшін өткен жекпе-жекте Исмағұлов қарсыласын бесінші раундта техникалық нокаутпен жеңді.
Бұл Дамирдің кәсіби мансабындағы тоғызыншы жеңісі болса, Максим үшінші рет сүрінді.
