Данэлия Төлешова Қытайдың музыкалық байқауына қатыса ма

БЕЙЖІҢ. KAZINFORM – Қытайдың интернет-стриминг қызметі IQIYI ұсынған «Азияның жаңа дауысы» музыкалық бағдарламасының анонсын жариялады. Видеода қазақстандық әнші Данэлия Төлешова да бар.

Данэлия Төлешова
Фото: instagram.com/itsdaneliya

Музыкалық бағдарлама туралы ақпаратта бұл барлық Азияны қамтитын музыкалық байқау болатыны айтылған.

Шоу жоспары бойынша Азияның түрлі елінен жүздеген жас әнші круиздік кемеге отырып, Азияны аралайды. Сапар барысында әншілер «Азия әншісі» атағы үшін таласады.

Сапардың маршрутына Жапония, Таиланд, Малайзия, Сингапур және Гонконг (Қытай) кіреді.

Анонста Азияның әртүрлі елінен жас әншілер шақырылып жатқаны айтылады, осы тұста қазақстандық әнші Данэлия Төлешова да көрсетіледі.

Айта кетсек, Данэлия Александровна Төлешова - «Голос. Дети» (Украина) бағдарламасы төртінші маусымының жеңімпазы, «Junior Eurovision 2018» ән байқауында Қазақстанның атынан ән айтып, 6-орын алған.

Сондай-ақ әншінің America' s Got Talent шоуында өнер көрсеткені туралы жазған едік.

Соңғы жаңалықтар