Данияр Елеусіновтың кәсіби рингтегі кезекті қарсыласы анықталды
АСТАНА. ҚазАқпарат - Қазақстандық боксшы Данияр Елеусінов (1-0, 1 КО) Ұлыбританияда өтетін жекпе-жекте өзіне кімнің қарсылас болатынын анықтады, деп жазады Sports.kz.
BoxRec.com порталының хабарлауынша, оның қарсыласы 30 жастағы Габор Горбич (24-11, 14 КО) болады. Жартылай орта салмақта өтетін кездесу 6 раундқа созылмақ. Боксшылар 6 маусым күні Лондондағы (Ұлыбритания) York Hall кешенінде Лоуренс Околи (8-0, 6 КО) - Люк Уоткинс (13-0, 9 КО) кездесуінің андеркартында өтеді.
Айта кетейік, Данияр Елеусінов кәсіби рингтегі алғашқы кездесуін 28 сәуір күні Нью-Йоркте (АҚШ) Дэниэл Джейкобс - Мацей Сулецкидің кездесуінің андеркартында өткізген болатын. Ол 6 раундтық жекпе-жектің 3-ші раундында америкалық боксшы Ноа Кидті (3-1-1, 2 КО) техникалық нокаутпен жеңді.
