Дәрігерлер көлік қаққан алматылық әйелдің жағдайы туралы айтты
АЛМАТЫ. ҚазАқпарат - Дәрігерлер Алматыда жаяу жүргіншілер жолағында көлік қағып кеткен әйелдің жағдайын айтып берді, деп хабарлайды ҚазАқпарат тілшісі.
«Зардап шеккен адамды № 4 қалалық аурухананың дәрігерлері қарады. Алғашқы көмек көрсетілді, содан кейін амбулаториялық ем ұсынылды. Науқастың жағдайы тұрақты. Оның өміріне қауіп төнетіндей жарақаттары жоқ», - деп хабарлады Алматы қаласы қоғамдық денсаулық сақтау басқармасынан.
Бұдан бұрын хабарланғандай, есірткіге масайған «Субару» көлігінің жүргізушісі Сейфуллин мен Жібек жолы көшесінің қиылысында жаяу жүргіншіні қағып кетті.
