Дарынды жастар арасында әдеби-музыкалық кеш өтті
АЛМАТЫ. Қарашаның 21-і. ҚазАқпарат /Әділет Мұсахаев/ - Кеше Алматыда студент жастар арасында «Туған ел - тұғырың, туған тіл - қыдырың» атты әдеби-музыкалық кеш өтті,
деп хабарлайды ҚазАқпарат.
Шара Тәуелсіздік күніне орай Алматы қаласының Тілдерді дамыту басқармасының ұйымдастыруымен өтті. «Кештің мақсаты - мемлекеттік тіл саясатын жастар арасында насихаттау, дарынды студент жастарды жан-жақты қолдау және қазақ әдебиеті мен өнеріне құрмет көрсету», дейді кешті ұйымдастырушылар.
Кеш барысында жастар ән, күй, би орындап, өз шығармашылығынан немесе қазіргі жас ақындар шығармашылығынан тіл туралы өлеңдер оқып, қойылымдар көрсетті.
