Дәурен Елеусінов Нью-Йоркте кәсіпқой бокстағы алғашқы жекпе-жегінде жеңіске қол жеткізді
АСТАНА. ҚазАқпарат - Бүгін Дәурен Елеусінов Нью-Йоркте кәсіпқой бокстағы алғашқы жекпе-жегін өткізіп, қарсыласын бірінші раундта-ақ екі мәрте тұқыртты.
АҚШ-тың Нью-Йорк қаласындағы «BB King Blues Club & Grill» спорт кешінде өткен жекпе-жекте Дәурен Елеусінов америкалық Энтони Мэдденнен басым түсті. Бірінші раунда-ақ ол қарсыласын екі рет кеудесінен түйіп қалып, тізе бүктірді.
Қарсыласы негізінен қашып жүріп, жұдырықтасты. Бірақ ол Дәуренің пәрменді соққыларынан қашып құтыла алмады, деп жазады "Алаш айнасы".
