Дәурен Орынбаев бильярд спортынан ҚР абсолютті чемпионы атанды
АЛМАТЫ. 5 қараша. ҚазАқпарат /Нәзира Елеухан/ - Алматыда «Бастау» бильярд клубында осы спорт түрі бойынша клубтық командалар арасында республикалық чемпионат аяқталды.
Жарысқа жыл басынан бері көп ұпай жинаған, еліміздің мықты деген 8 шебері қатысты. Чемпионат барысында спортшылар еркін, динамикалық және қоланбалы пирамида түрлері бойынша сынға түсті. Жарыс қорытындысы бойынша 1-ші орынды алматылық спорт шебері Дәурен Оынбаев жеңіп алды, ол жақсы нәтиже көрсетіп ҚР абсолютті чемпионы атанды. 2-ші орынды Арби Муциев иеленді. Ал, 3-ші орын Айдос Тұғанбаевтің еншісіне тиді.
