Давид Лория жаңа қызметке тағайындалды

АСТАНА. KAZINFORM - Қазақстан футбол федерациясының құрылымында кадрлық өзгерістер болды. Атқарушы комитеттің шешімімен Давид Лория бас хатшы қызметіне тағайындалды. Бұл туралы ҚФФ баспасөз қызметі хабарлады. 

Давид Григорьевич – Қазақстан ұлттық құрамасының бұрынғы ойыншысы, УЕФА-ның MIP бағдарламасының түлегі. 

Қазіргі таңда ол Астана қалалық мәслихатының депутаты, сондай-ақ елдің әлеуметтік өмірін дамытуға қосқан үлесі үшін «Құрмет» орденінің иегері. 

Айта кетейік, мұның алдында бұл лауазымды Саян Хамитжанов атқарған. Ол жаңа жұмыс орнына ауысуына байланысты лауазымынан кетті. 

Еске сала кетейік, бұған дейін футболдан Бірінші лига ойындары 9 сәуірде басталатынын хабарлаған едік.