Дайындық жоспар бойынша жүріп жатыр - Димаш Құдайберген Алматыдағы концерті туралы
НҰР-СҰЛТАН. ҚазАқпарат – Әлемге танымал қазақстандық әнші Димаш Құдайберген күзде Алматыда өтетін концертіне қызу дайындалып жатыр, деп хабарлайды ҚазАқпарат тілшісі.
«Жаңа туындымның оркестрлік жазбасы үшін ұшып келдім. Латынамерикалық достарымның өтініші бойынша испан тілінде музыка жаздым. Концертке дайындық жоспар бойынша жүріп жатыр», - деп жазды Димаш Құдайберген Instagram парақшасында.
Еске сала кетсек, бір айдан соң, 23 қыркүйекте Алматыда Димаш Құдайбергеннің «Stranger» атты концерті өтеді.
Сондай-ақ, Димаштың Алматыдағы концертіне әлемнің 36 елінен тыңдармандар билет сатып алғаны туралы хабарлаған едік.
Айта кетсек, Индонезияда Димаш Құдайберген мен Қазақстан мәдениетіне арналған көрме өткен еді.
