ДДСҰ: Либерияда Эболамен күрес тиімсіз болуда
АСТАНА. ҚазАқпарат - Дүниежүзілік денсаулық сақтау ұйымының мәліметтері бойынша Эбола індеті Либерияда әлі де таралуда, деп жазады ВВС.
Медицина қызметкерлерінің есептеулеріне қарағанда, алдағы үш аптада бұл елде аталған дертке шалдыққандар саны тағы да артуы мүмкін.
ДДСҰ-ның хабарлауынша, Африкада өршіп тұрған осы індет жайлы ескерту үшін қабылданған шаралар күткен нәтижелерді бермей отыр.
Африканың батысында, яғни Гвинеяда, Либерияда, Сьерра-Леоне мен Нигерияда биыл Эболадан кем дегенде 2,1 мың адам көз жұмды.
ДДСҰ деректері бойынша олардың арасында вирустан қаза болғандардың 79-ы медициналық қызметкерлер.
