Делидегі қалтаға түсетін ұрылардың көпшілігі - әйелдер
АСТАНА. ҚазАқпарат - Осы жылғы қаңтар-қараша айларында Дели метросында ұсталған қалтаға түсетін ұрылардың басым бөлігі әйелдер болды, деп хабарлады Би-би-си жергілікті полицияға сілтеме жасап.
Метродағы қауіпсіздікті қамтамасыз ететін осы қызметтің мәліметтеріне қарағанда, бұл кезеңде ұрлыққа күдікті 293 әйел және 22 ер адам ғана ұсталды.
Полиция ұрланған 1,4 млн. доллар ақшаны, сондай-ақ көптеген зергерлік бұйымдарды, жүздеген ноутбукті, фотоаппаратты, сағаттарды және ұялы телефондарды тапты.
Өткен жылы үндістандық полиция метрода 466 қалтаға түсетін ұрыларды ұстаған болатын, олардың 421-і әйелдер болып шықты.
