Демалыс күндері Астанада 748 жүргізуші жолда жүру ережелерін бұзды
АСТАНА. 13 маусым. ҚазАқпарат - Демалыс күндері Астана қаласының жол полицейлері жолда жүру ережелерін бұзған 748 жүргізушіні анықтады.
Қалалық Жол полициясы басқармасынан мәлім еткендей, 748 жүргізушінің 21-і темір тұлпарын мас күйінде басқарғаны үшін ұсталды, 79-ына жылдамдықты белгіленген межеден асырғаны үшін әкімшілік хаттамалар толтырылды. Сондай-ақ осы күндері полицейлердің құрығына жолдың қарама-қарсы бетіне шығып кетіп, ережені бұзған - 10, көлігі қанағаттанарлықсыз техникалық жағдайда болғаны үшін - 16, машинаны құжаттарсыз басқарған - 15 және қозғалыс барысында ұялы телефонды пайдаланған 43 жүргізуші түсті. 21 көлік айыптұрағына жеткізілді.
