Демалыс күндері Астанада Жолда жүру ережелерін бұзған 992 жүргізуші ұсталды

АСТАНА. 17 қаңтар. ҚазАқпарат /Гүлмира Әлиакпарова/ - Өткен демалыс күндері Астанада Жолда жүру ережелерін бұзған 992 жүргізуші анықталды. Бұл туралы қалалық Ішкі істер департаменті Жол полициясы басқармасынан хабарлады.

Хабарланғандай, 992 жүргізушінің 38-і автокөлікті мас күйінде басқарғаны үшін ұсталды. Сондай-ақ көлік жылдамдығын рұқсат етілген межеден асырғаны үшін 68 жүргізушіге, қарама-қарсы жолға шығып кеткені үшін - 10 жүргізушіге, көлік құралы қанағаттанарлықсыз техникалық жағдайда болғаны үшін - 18, машинаны құжатсыз басқарғаны үшін - 17 және рөлде отырып ұялы телефон қолданғаны үшін - 59 жүргізушіге әкімшілік хаттамалар толтырылды. 46 көлік айып тұрағына қойылды.