Демалыс күндері елордада көлігін мас күйінде басқарған 31 жүргізуші ұсталды
АСТАНА. 16 сәуір. ҚазАқпарат - Өткен демалыс күндері елорданың жол полиция қызметкерлері жол қозғалысы ережесінің 1246 рет бұзылғандығын анықтады.
Астана қалалық ІІД Жол полициясы басқармасының баспасөз қызметі таратқан ақпаратқа сәйкес, 14-15 сәуір күндері көлігін мас күйінде басқарған - 31, қозғалыстың қарсы бетіне шыққан - 11, құжатсыз көлік басқарған - 25, ұялы телефон пайдаланған 43 жүргізуші ұсталып, 32 азаматтың көлігі айыптұрағына қойылған.
