Демалыс күндері елордада жол ережесін бұзған 486 жүргізуші ұсталды
АСТАНА. ҚазАқпарат - Өткен демалыс күндері елордада жол жүру ережесін бұзған 486 жүргізуші ұсталды. Бұл туралы Астана қалалық ІІД Әкімшілік полиция басқармасынан хабарлады.
«Тексеру барысында жол жүру ережесін бұзған 486 жүргізуші ұсталды. 261 жүргізуші жылдамдықты белгіленген шектен асырса, 97 адам қауіпсіздік белдігін тақпаған. 23 жүргізуші жаяу жүргіншіге жол бермесе, 19-ы апатты жағдай туындатқан. Ал 15 жүргізуші қозғалыстың қарсы бетіне шығып кеткен. 13 жүргізуші көлікті құжатсыз басқарса, 25 жүргізуші көлікті мас күйінде басқарған. Айып тұрағына 34 автомобиль қойылды», - делінген хабарламада.
