Демалыс күндері солтүстік өңірлерде күн жылынады
НҰР-СҰЛТАН. ҚазАқпарат – Қазгидромет алдағы демалыс күндерге арналған ауа райы болжамын жариялады, деп хабарлайды ҚазАқпарат.
Қазақстанның басым бөлігі аз қозғалатын антициклон жотасында болады. Нәтижесінде солтүстік өңірлерде күн жылынады.
Елдің солтүстігінде, шығысында және оңтүстік-шығысында ауа райы жағдайының қалыптасуына атмосфералық фронт араласады, онымен күн күркіреп, жел күшейеді. Республиканың солтүстігінде, шығысында және орталығында түнгі уақытта топырақ бетінде 2° үсік және тұман сақталады.
Ауа температурасының негізгі аясы: күндіз батыста +30+35°С, солтүстік-батыста +23+33°С, республиканың солтүстігінде ауа температурасы +17+25-тен +23+30°С-қа дейін, орталықта +15+22-ден +20+31°С-қа дейін, шығысында +13+21-ден +20 +28°С-қа дейін көтеріледі, елдің оңтүстігінде ауа температурасының негізгі аясы +27+32°С, оңтүстік-шығысында +20+28°С.
