Демалыс күні Қаскелең қаласында Абай атындағы орта мектепте өрт болды - ТЖД

АСТАНА. Қазанның 4-і. ҚазАқпарат - Өткен демалыс күні Алматы облысы Қаскелең қаласындағы Абай атындағы орта мектепте өрт болды.

ҚР Төтенше жағдайлар министрлігінің мәліметінше, өрт қазанның 2-сі күні 16 сағат 41 минутта мектеп ауласында жеке орналасқан қосалқы ғимараттан шыққан.

Жалын Алматы облысы бойынша ТЖД өртке қарсы қызметінің 7 адамы мен 2 техникасының күшімен сағат 17.11-де толығымен ауыздықталды.

Өрттің шарпыған аумағы 60 шаршы метрді құраған. Құрбандар мен зардап шеккендер жоқ.