Демократ Сандерс Индианадағы бастапқы сайлауда жеңіске жетті
АСТАНА. ҚазАқпарат - Сенатор Берни Сандерс сейсенбі күні Индианада АҚШ Демократиялық партиясының бастапқы сайлауында жеңіске жетті.
Бұл туралы дауыс беру нәтижесіне орай жетекші американдық телекомпаниялар хабарлады.
"Біз Индианадағы праймериз жеңімпазы Сандерс болғанын жариялаймыз", - деп хабарлады CNN және MSNBC. Олардың пікірінше, Вермонт сенаторы өз қарсыласы - АҚШ-тың экс-мемхатшысы Хиллари Клинтоннан біршама озды. Дауыс беру учаскелерінде толтырылған бюллетеньдердің 70% қарастырған соң, оны Индианадағы демократтардың 53,3%, ал Клинтонды 46,7% қолдады.
Қазір Клинтон болашақ форумның 2165 делегатының қолдауына, ал Сандерс 1357 делегаттың қолдауына ие.
