Дені сау ұрпақты өмірге әкелу үшін жүкті әйелдер нені білгені дұрыс
АЛМАТЫ. KAZINFORM – Әйелдерде сау жүктілік пен дені сау баланы өмірге әкелу мүмкіндігін арттыратын іс-қимыл жоспарын әзірлеу үшін акушер-гинекологтен уақтылы кеңес алу маңызды. Бұл туралы Алматы қаласының №2 перинаталдық орталығының акушер-гинеколог дәрігері Мақсат Жексембиев айтып берді.
Дәрігердің айтуынша, жүктілік кезінде фолий қышқылы маңызды рөл атқарады.
“Оны жүктіліктің басында қабылдау нәрестеде жұлын грыжасы және аненцефалия сияқты жүйке түтігінің ақауларының даму қаупін азайтады. Сонымен қатар, фолий қышқылы анемияның және басқа мәселелердің алдын алу арқылы ананың денсаулығын сақтауға көмектеседі”, - дейді акушер-гинеколог.
Ол гравидаралды дайындық кезінде дәрігерге созылмалы аурулар туралы айту, сондай-ақ, олардың жүктілікке әсерін және қажетті сақтық шараларын қабылдауды қоса алғанда, дәрігермен барлық аспектілерді талқылау маңызды.
“Балаға қауіп-қатерді азайту үшін емдеуді бейімдеу немесе дәрі-дәрмектің мөлшерін өзгерту қажет болуы мүмкін. Сонымен қатар, денсаулықты сақтау және жүктілік кезінде диета, физикалық белсенділік және өзін-өзі күтудің басқа аспектілері туралы дәрігердің ұсыныстарын орындау маңызды”, - деп атап өтті Мақсат Жексембиев.
Еске салсақ, Алматыдағы жүктілікті қорғау орталығында көрсетілетін қызмет түрлерін жазғанбыз.
