Денис Тен конькисіз 3,5 рет қалай айналуды көрсетті
АСТАНА. ҚазАқпарат - Қазақстандық мәнерлеп сырғанаушы Денис Тен 3,5 айналымдық аксельді спорттық аяқ киіммен қалай орындау керектігін көрсетті. Бұл туралы видеоны ол Инстаграмдағы парақшасында жариялады.
Сочиде өткен Олимпиада ойындарының қола жүлдегері әлеуметтік желіде жиі-жиі жаттығу сәтінде түсірілген видеоларымен бөлісіп тұрады.Естеріңізде болса, Денис Тен сәуір айында Хельсинкиде өткен 2017 жылғы әлем біріншілігінде 16-орын алған еді. Осылайша ол 2018 жылы Пхенчханда өтетін Олимпиада ойындарына жолдама алған болатын.
Аксель (англ. Axel jump) - мәнерлеп сырғанаудағы ең күрделі секіру түрі.
