Денис Тен көптен күткен жеңіске жеткенін айтты
АСТАНА. ҚазАқпарат - Сеулде өткен төрт құрлық чемпионатында алтын медальға қол жеткізген Денис Тен осы жеңіс үшін кәсіби спорттан кетпегенін айтып, қуанышымен бөлісті. Бұл туралы ол Инстаграм әлеуметтік желісіндегі жеке парақшасында жазды.
«Бір жыл бұрын олимпиададағы жүлделі жеңістен кейін жаңа тарихи жетістікке жеттім. Бұл жолы төрт құрлық чемпионатында алтынға қол жетті. Осы үшін спорттан кетпеген едім. Барша қазақстандықтарды осы ерекше оқиғамен құттықтаймын», - деп хабарлады Д. Тен.
