Денсаулық күні Қазақстанда таңертеңгілік гимнастика өтеді

None
None
АСТАНА. ҚазАқпарат - 7 сәуірде, Халықаралық Денсаулық күні Қазақстанда жаппай таңертеңгілік гимнастика өтеді. Бұл туралы бүгін баспасөз мәслихатында Астана қаласының Салауатты өмір салтын қалыптастыру орталығының атқарушы директоры Ақмарал Құрманбаева мәлім етті.

«Қазақстанда 7 сәуір күні жыл сайын Халықаралық Денсаулық сақтау күні аталып өтіледі. Биыл Салауатты өмір салтын қалыптастыру орталығының бастамасымен 7 сәуірде медициналық және медициналық емес ұйымдардың қатысуымен «Бес минуттық саулық» атты акция өтеді. Біздің шараға банктер, мектептер және өзге де жекеменшік ұйымдар қолдау танытып отыр. Меніңше, 7 сәуір күні гимнастика жасауға ынта танытқандар саны көп болады», - деп атап өтті ол.

Ұйымдастырушылар аталған акция жаппай таңертеңгілік гимнастика түрінде өткізуді жоспарлап отыр. Шараның басты ұраны - «Денсаулық таңғы жаттығудан басталады!»

Айта кеткен жөн, Халықаралық Денсаулық күні мерекесі әлем бойынша 1905 жылдан бері тойланып келеді.

Соңғы жаңалықтар
telegram