Денсаулық пойыздары 8 мыңнан астам ел азаматтарына медициналық көмек көрсетті
АСТАНА. 1 сәуір. ҚазАқпарат - Жыл басынан бастап ТЖМ-ның «Денсаулық» және «Жәрдем» консультативті-диагностикалық пойыздары ауылдардың, станциялар мен разъездердің 8015 тұрғынына облыстық маңызы бар клиникалар деңгейінде мамандандырылған медициналық көмек көрсетті. Бұл туралы бүгін ҚР Төтенше жағдайлар министрлігінің мәліметерінде айтылған.
ТЖМ теміржол госпитальдарында 42169 диагностикалық зерттеу жүргізілді, дәрігерге барған адамдардың саны 66429-ды құрады. Пойыз мамандары 7131 ауруды тіркеді, соның ішінде 954-і балалар ауруы.
Айта кетейік, ағымдағы жылғы 29 наурызда «Саламатты Қазақстан» үшінші медициналық пойызы өз жұмысын Шығыс Қазақстан облысының Таңсық станциясынан бастады.
