21:18, 19 Мамыр 2021 | GMT +6
Дэвис кубогы: Қазақстан теннис құрамасы матчтарының қашан өтетіні белгілі болды
НҰР-СҰЛТАН. ҚазАқпарат - Дэвис кубогы финалдық кезеңінің кестесі жарияланды, деп хабарлайды ҚазАқпарат тілшісі.
Қазақстан теннис федерациясы мәлім еткеніндей, айтулы дода 25 қараша күні Мадрид, Турин және Инсбрук қалаларында басталады.
Қазақстан құрамасы Мадридте В тобында 27 қараша, сенбі күні Швеция теннисшілерімен күш сынасады. Келесі күні Канада құрамасымен кортқа шығады.
Екі матч та Нұр-Сұлтан уақытымен сағат 15.00-де басталады.
Жарыстың ширек финалдық ойындары 29 қараша - 2 желтоқсан күндері өткізіледі. Жартылай финал 3 және 4 желтоқсанға, финал 5 желтоқсанға белгіленген.
Еске сала кетейік, бұдан бұрын қазақстандық теннисшінің Женева турнирін жеңіспен бастағанын жазған болатынбыз.
Ал Ю.Путинцева Белград жарысының ширек финалына шыға алмады.