Дэвис кубогы: Қазақстан теннисшілері Қытай командасын ұтты
АСТАНА. ҚазАқпарат - Елордада Дэвис Кубогының Азия/Мұхит аймағы I тобында ойнайтын Қазақстан мен Қытай құрамаларының арасында жұптық разрядтағы ойын өтті, деп хабарлайды ҚазАқпарат Sports.kz сайтына сілтеме жасап.
Қазақстан намысын қорғаған Андрей Голубев пен Александр Недовесов қытайлық Бай Янь мен Мао-Синь Гунге қарсы ойнады. Ойын барынша тартысты өтіп, кездесу нәтижесі бесінші сетте ғана анықталды. Бұл кездесуде 3:6, 6:1, 5:7, 6:1, 6:3 есебімен корт қожайындары Голубев пен Недовесов жеңіске жетті. Осылайша, кездесудің есебінде Қазақстан 3:0 есебімен алда тұр. Алда әлі екі кездесу бар. Дегенмен, оның нәтижесінде біздің теннисшілер жеңіліске ұшыраса да келесі кезеңге жолдама алады.
