Дэвис кубогы: Михаил Кукушкин Қазақстан қоржынына алғашқы ұпайды салды
АСТАНА. ҚазАқпарат - Астанадағы «Дәулет» спорт кешенінде өтіп жатқан «Дэвис кубогы» додасында Михаил Кукушкин Қазақстан құрамасын алға шығарды, деп хабарлайды ҚазАқпарат тілшісі.
Жекелей сындағы бірінші кездесуде Михаил Кукушкин мен Гвидо Пелья өзара мықтыны анықтады. Бірінші және екінші партия аса тартысты өтіп, ойын тай-брейкке дейін созылды.
Алғашқы сетте аргентиналық теннисші 7:6 есебімен жеңіске жетсе, үшінші және төртінші партияларда Кукушкин қарымта қайтарып, Қазақстан қоржынына алғашқы ұпайды сыйлады.
Қорытынды есеп - 6:7, 7:6, 6:2, 6:4.
Жекелей сындағы екінші ойын Дмитрий Попко мен Диего Шварцман арасында жалғасты.
