Дэвис кубогы: Недовесов Австралия теннисшілерімен тартыста ел қоржынына екінші ұпайды салды

АСТАНА. ҚазАқпарат - Дэвис кубогының екінші Австралия - Қазақстан матчында Ник Киргиос пен Александр Недовесов кездесті, деп хабарлады Sports.kz.

Бірінші сетте тай-брейкте - 7:5 есебімен Недовесов жеңді, екінші және үшінші партияларда да жеңімпазды тай-брейк анықтады - бастапқыда 7:2 есебімен Киргиос басымдық танытса, кейін Недовесов 7:5 есебімен алға шықты. Шешуші сетте қазақстандық 6:4 есебімен жеңді.

Жалпы есеп -2:0, Қазақстанның пайдасында.

Естеріңізге сала кетейік, Дэвис Кубогында алғашқы жеңісті ел қоржынына Михаил Кукушкин салған болатын. Ол Танаси Коккинакиспен кездесіп, 6:4, 6:3, 6:3 есебімен жеңіске жетті.

Ертең жұптық сында Сэм Грот/Ллейтон Хьюитт - Андрей Голубев/Александр Недовесов кездеседі.