Дихандарға арналған арзан дизель коммерциялық мақсатта сатылған – Бас прокуратура

None
АСТАНА. ҚазАқпарат – Дихандарға арналған арзан дизель коммерциялық мақсатта сатылған. Бұл жайында Мәжіліс депутаттарының сауалына Бас прокурор Берік Асыловтың жауабында айтылған, деп хабарлайды ҚазАқпарат тілшісі.

«Прокуратура органдары ауыл шаруашылығы тауарларын өдірушілер үшін күзгі дала жұмыстарына арзандатылған отынды мақсатты пайдалану бойынша тексеріс іс-шараларын ұйымдастырды. Нəтижесінде бүгінгі күні оны коммерциялық мақсатта пайдалану фактілері анықталды.

Атап айтқанда, Ақтөбе облысында өңірлік оператор – «Батыс Жер» ЖШС өз жанар-жағар май құю станцияларының желісі арқылы 2 982 тонна көлемінде жеңілдетілген отынды сатқан. Аталған факті бойынша Экономикалық тергеу департаменті Қылмыстық кодекстің 221-бабы бойынша сотқа дейінгі тергеп-тексеруді жүргізуде. Бұл жұмыс жалғасатын болады», - деді Бас прокурор жауабында.


Соңғы жаңалықтар
telegram