Димаш Құдайберген Хунан телеарнасының «Happy Camp» шоуында қонақта болды

АСТАНА.ҚазАқпарат - Қытайдағы «Singer 2017» ән додасының финалына жеткен қазақстандық әнші Димаш Құдайберген Қытайдағы ең танымал Хунан телеарнасының «Happy Camp» шоуында қонақта болған кезі эфирде көрсетілді.

Бұған дейін хабарлағанымыздай, Димаш бағдарламада «All by myself», қытайдың «Таң атты» әндерін шырқады.
 

Айта кетейік, телешоудың тұсірілім жұмыстары қаңтар айында болған. Қонаққа «Singer 2017» байқауының бастапқы жеті әншісі шақырылған. Ақпан айында эфирде көрсетілу жоспары, Тан Циннің жобадан кету салдарынан кешігіп, 18 наурыз көрсетілді.

«Хунан TV» Қытай телеарналары арасында көрермендер саны жағынан 2-орын алады. «Happy Camp» телешоуы 1997 жылдан бастап жүргізілп келе жатқан Қытайдың ең ықпалды телебағдарламаларының бірі, басты аудиториясы - жастар. Бұған дейін бағдарламада  Дэвид Бэкxам, Шейн Баттье сынды  әлемдік жұлдыздар қонақта болған.