Дін туралы заңнаманың бұзылуына орай 92 әкімшілік іс қозғалды
АСТАНА. ҚазАқпарат - Ағымдағы жылдың бірінші жартыжылдығында Қазақстанда Дін туралы заңнама нормаларының бұзылуына байланысты 92 әкімшілік іс қозғалды, деп хабарлады ҚР Мәдениет және спорт министрлігінің баспасөз қызметінен.
Ведомство таратқан ақпаратқа қарағанда, нәтижесінде 71 тұлға айыппұл түріндегі жазаға тартылған.
Бұл саладағы заңбұзушылықтардың басым бөлігі тіркелмеген діни бірлестіктердің қызметіне қатысты болып отыр. Олар белгіленбеген орындарда діни әдебиеттерді таратып, заңсыз миссионерлік қызметтер атқарған.
Айта кетерлігі, 2013 жылы Дін туралы заңнама нормаларының бұзылуына байланысты 22 әкімшілік іс қозғалған болатын. Оның нәтижесінде 199 адам әкімшілік жазаға тартылған еді.
