Діндар әйелдер торт пісіруден шеберліктерін шыңдады
Арнайы шеберлік курсы Алматы қаласы Қоғамдық даму басқармасының жанындағы «Кеңес беру және оңалту орталығының» ұйымдастыруымен өтті.
Шеберлік-сабақты балкүлше пісіруден жеке кәсібі бар және бұл кәсіптің қыр-сырын меңгерген маман, теолог Назерке Жетпісбайқызы өткізді.
«Бұл шараны ұйымдастырудағы мақсат – үй шаруасымен айналысатын әйелдерді қосымша табыс табудың көзі ретінде тәтті торт пірісіп, тапсырыс қабылдап, өз кәсіптерін ашуға үйрету», - дедіНазерке Жетпісбайқызы.
26 діндар әйел екі топқа бөлініп қазіргі кездегі сұранысқа ие торттардың бірқатар түрін шебердің көмегімен пісіріп, меңгерді. Сонымен қатар оларды түрлі тәсілдермен әсемдеуді үйренді.
Шеберлік-сабақтың соңы дастархан басындағы шәйға ұласты. Қатысушылар барлық үйренгендерін үйде жасап, жақындарын тәттілерімен қуантатынын жеткізді.