Дмитрий Попко Мексикада жарыстың 3-ракеткасын ұтып, жартылай финалға шықты

АСТАНА. KAZINFORM — Қазақстандық, әлемнің 175-ракеткасы Дмитрий Попко Морелос (Мексика) челленджер турнирінің жартылай финалына жолдама алды.

Дмитрий Попко ширек финалда әлемнің 155-інші, жарыстың 3-ракеткасы, аргентиналық Хуан Пабло Фиковичпен бетпе-бет келді.

Қазақстандық теннисшіге аргентиналық спортшы еш қарсылық қыла алмады. Д.Попко 6:1, 6:1 есебімен ойсырата ұтты.

Небәрі 47 минутқа созылған бәсекеде Попко 5 эйспен бірге 9 брейк-пойнттың бесеуін пайдаланды. Фикович эйс те, брейк те жасай алмады.

Дмитрий Попко финалға шығу үшін әлемнің 162-інші, жарыстың 2-ракеткасы, канадалық Алексис Галарномен таласады.

А.Галарно алғашқы айналымда аса тартысты ойында тағы бір қазақстандық Бейбіт Жұқаевты 7:6 (9:7), 6:7 (10:12), 6:3 есебімен жолдан тайдырған болатын.

Өткен аптада Мексикадағы Морелия челленджер турнирінде чемпион атанған Д.Попко осымен жеңіс сериясын 8 матчқа жеткізді. Ол қазіргі кезде ATP Live рейтингісінде 170-орынға көтеріліп тұр.

Еске сала кетейік, бұдан бұрын Дмитрий Попконың Мексикадағы турнирдің ширек финалына шыққанын жазған болатынбыз.

Теннистен әлем чемпионатында Қазақстан жасөспірімдер құрамасы іріктеу турнирінің ширек финалына өтті.