Доллар 0,90 теңгеге қымбаттады

АЛМАТЫ. ҚазАқпарат – Астана мен Алматы қалаларындағы ақша айырбастау пунктерінде доллар 463- 468 теңгеден саудаланып жатыр, деп хабарлайды ҚазАқпарат тілшісі.

Kurs.kz мәліметіне сәйкес, Астанадағы валюта айырбастау орындарында 1 доллар 463,5 – 466 теңгеден, Алматыда 463– 468 теңгеден сатылып жатыр.
15 қараша күнгі кешкі сауда қорытындысы бойынша, доллардың орташа бағамы 0,90 теңгеге қымбаттап, 460, 79 теңгені құрады.
Ұлттық банктің бүгінгі ресми бағамы – 1 долларға 460, 99 теңге.
Ресей рублінің орташа сараланған бағамы 7,64 теңге болды.
Дәл қазіргі уақытта Алматыдағы ақша айырбастау орындарында Ресей валютасы 7,25– 7, 45 теңге аралығында саудаланып жатыр.