Доллар 1,33 теңгеге арзандады
АЛМАТЫ. ҚазАқпарат – Қазақстан қор биржасындағы (KASE) сауда-саттық қорытындысы бойынша, 1 доллардың теңгеге қатысты бағамы төмендеді, деп хабарлайды Кazinform.
Күндізгі сауда-саттық мәліметіне қарағанда, доллар 1,33 теңгеге төмендеп, 1 доллар 477, 02 теңгені құрады.
Айта кетейік, Ұлттық банктің 9 қазанға белгілеген ресми бағамы – 1 доллар үшін 478, 43 теңге.
Kurs.kz дерегінше, Алматыдағы ақша айырбастау пунктерінде доллар 477,3 теңгеден сатылып жатыр, сатып алу – 479,9 теңге. Ал Астана қаласында АҚШ валютасы 475 теңгеден сатылып жатыр, сатып алу құны – 480 теңге.
Алматыда Ресей рублі 4,69 – 4,89 теңге аралығында, Астанада 4,7 - 4,85 теңге аралығында ұсынылуда.
Еске салайық, 6 қазан кешіндегі соңғы сауда-саттықта доллардың орташа бағамы 0,76 теңгеге қымбаттап, 478, 35 теңгені құраған еді.
