Доллардың үстемдігі өткен шаққа айналуда - Ху Цзиньтао
АСТАНА. 17 қаңтар. ҚазАқпарат - Доллардың үстемдігі жүріп келген халықаралық валюта жүйесі - бұл қазірдің өзінде өткен шаққа айналуда. Бұл туралы Вашингтонға сапары алдында американдық баспасөзге берген сұхбаты кезінде Қытай Халық Республикасының Төрағасы Ху Цзиньтао мәлім етті, деп хабарлайды РБК.
Ол сондай-ақ, бұл ұзақ жүргізілетін үдеріс болғанымен, Қытай юаньды халықаралық валюта жасау жөнінде барлық іс шараларды атқаруда, деп атап көрсетті.
Сонымен қатар, Ху Цзиньтао экономикаға миллиардтаған доллар құйған Америка саясатын сын тезіне алды.
Қытай Халық Республикасының Төрағасы Вашингтонға, 18 қаңтар, сейсенбі күні келеді деп күтілуде.
