Домодедово әуежайында 40-тан астам ұшақ кестелерінен кешігуде
АСТАНА. 21 қыркүйек. ҚазАқпарат - Мәскеудің «Домодедово» әуежайында тіркеу жүйесіндегі ақауларға байланысты осы уақытта 40-тан астам ұшақ әуеге көтеріле алмай тұр.
Бұны әуежай сайтының он-лайн тақтасы растап отыр.
Бұған дейін РБК-ға әуежайдың баспасөз қызметінен мәлім еткендей, тіркеу жүйесінің істен шығуы мәскеу уақытымен шамамен 20.00-де басталды.
Анықталғандай, тіркеуге арналған Сетан жүйесі істен шықты. Оған қарамастан, Домодедово жолаушыларды тіркеуді баламалы әдіс, яғни өздерінің Видеоком дербес тіркеу жүйесі арқылы жүргізуді ұсынды.
Қазіргі уақытта әуежайдың аталған жүйесіне Трансаэро, Сібір, Татарстан, Ресей әуекомпаниялары өтуде.
Еске салайық, 12 қыркүйек күні жолаушыларды тіркеу жүйесінің істен шығуы Шереметьево әуежайында да болды.
