Дональд Трамп Қытайға баж салығын 145 пайызға дейін көтерді

АСТАНА. KAZINFORM - Американың Қытайдан жеткізілім бажы 125 пайыз емес, 145 пайыз болады, деп жазды Ақ үй. Бұған дейін Бейжің АҚШ-қа қарсы тарифтерді 84 пайызға дейін көтерген болатын, деп хабарлайды DW.

Ақ үй, 10 сәуірде түсіндіргеніндей, бір күн бұрын жарияланған 125 пайызды наурыз айында енгізілген 20 пайызға қосу керек, деп хабарлады батыстың ақпарат агенттіктері мен БАҚ.

Осылайша, Қытай үшін жалпы тарифтер 145 пайызды құрайды.

Трамп алымдардың өсуін Бейжіңнің фентанил есірткісінің саудасына байланысты әрекетсіздігімен байланыстырды. Ол сондай-ақ Бейжіңді жаһандық нарыққа «жеткілікті құрмет көрсетпейді» деп айыптады.

Бұған дейін Қытайдан келетін тауарларға салынатын баж салығын екі есе, 20 пайызға көтеруге жауап ретінде Бейжің АҚШ-тан келетін тауарларға салынатын баж салығы 34-тен 84 пайызға дейін өсетінін жариялаған.

Соңғы апталарда Дональд Трамп Құрама Штаттарына, соның ішінде Еуропалық Одақтан әкелінетін әртүрлі тауарларға бірқатар сауда тарифтерін енгізді.

9 сәуірде АҚШ президенті көптеген елдерге қатысты кедендік баж салығын енгізуді 90 күнге тоқтатты, бірақ бұл қадамның Қытайға қатысы жоқ. Керісінше, ҚХР үшін 125 пайыздық тариф жарияланды.