«Доңыз тұмауы» мемлекет басшыларына да жетті
АСТАНА. Тамыздың 12-сі. ҚазАқпарат - Коста-Рика Президенті Оскар Ариас мырзадан А (H1N1) тұмауының вирусы анықталды.
Бұл туралы ел үкіметінің өкілдері хабарлады.
Олар, мемлекет басшысының жағдайы тұрақты екенін, алдын-ала мәліметтер бойынша, Президенттің елді басқару міндетіне бір аптаның ішінде кірісіп қалатынын нақтылап отыр, деп хабарлайды жаңазеландиялық TVNZ телеарнасы.
Бұл жағдайдың басқа мән-жайы әзірге белгісіз. Коста-Рика Президенті дәрігерлердің бақылауында.
«Роспотребнадзор» агенттігінің мәліметтеріне сәйкес, тамыздың 9-ындағы жағдай бойынша дүниежүзінде вирусты жұқтырудың 206 мың 987 фактісі ресми қуатталып отыр. Оның ішіндегі 1 673 оқиға кісі өлімімен аяқталған.
