«Доңыз тұмауының» дәрісі балалардың түнгі ұйқысын бұзуда
АСТАНА. Шілденің 31-і. ҚазАқпарат - «Доңыз тұмауына» қарсы дәріні ішіп жатқан балалардың жартысынан астамы лоқсып, түнде шошып оянуда, де жазады The Daily Mail басылымы.
Балалар А/H1N1 тұмауы вирусына қарсы ішіп жатқан дәрілер сонымен бірге, олардың іштерін ауыртып, ұйқыларын бұзған.
Жүргізілген зерттеулер көрсетіп отырғандай, балалардың көбісінде бұл белгілер дәрі іше бастағаннан кейін пайда бола бастаған. Бұл жайт ата-аналардың алаңдаушылығын туғызуда.
Сарапшылардың ескертулеріне қарамастан, National Pandemic Flu Service қызметі 150 мыңдай пакет дәрі таратқан. Адамдар дәріні телефон және Интернет арқылы сатып ала алады.
