Допты хоккей: «Ақжайық» тағы бір қарсыласын ұтты

Допты хоккей
Фото: "Ақжайық" спорт клубы

ОРАЛ. KAZINFORM — Допты хоккейден жоғары лига командалары арасында бүкілресейлік жарыста Оралдың «Ақжайығы» «Жастар» стадионында «Волга-Черемшан» (Ульяновск) командасын қабылдады. 

Оралдық маман Николай Шавалдиннің хоккейшілері қарсыластарын 6:3 есебімен тізе бүктірді. «Ақжайық» сапынан Максим Пахомов 4 голдың авторы атанса, Артем Лапшин тағы екі допты енгізді.

Қонақ командадан Данила Арапов 2, Андрей Терехов 1 гол соқты. Осылайша, 21 ойыннан кейін 51 ұпай жинаған «Ақжайық» өз тобында бұрынғыша көш бастап келеді. Ертең қос команда екінші ойынын өткізеді.

Еске сала кетейік, бұдан бұрын «Ақжайықтың» орынборлық «Локомотив» командасын ірі есеппен жеңгенін жазған болатынбыз.

Соңғы жаңалықтар