Допты хоккей: «Ақжайық» сырт айдында «Маякпен» тең ойнады

Бірінші таймда айдын иелері 2:1 есебімен алда болды.
Есесіне екінші кезеңде оралдықтар ширақ ойнады – 3:2. Қорытынды есеп – 4:4.
Бұл ойында «Ақжайықтың» сұрмергені, ресейлік легионер Максим Пахомов хет-триктің авторы атанса, Ершат Амангелдиевтің де қанжығасы майланды.
Кеше өткен бірінші матчта оралдық маман Николай Шавалдиннің шәкірттері 5:7 есебімен есе жіберген еді. Бұл бәсекеде М.Пахомов 3, Еламан Әліпқалиев пен Артем Лапшин бір-бір гол соқты.
Үшінші топта 13 ойыннан кейін 23 ұпай жинаған батысқазақстандық клуб бұрынғыша төртінші орында келеді.
«Ақжайық» осы маусымдағы қорытынды кездесулерін 18-19 ақпанда Верхний Уфалейде осы топта бірінші орында тұрған «Никельщик» командасымен өткізеді.
Еске сала кетейік, бұдан бұрын допты хоккейден «Ақжайықтың» екінші ойында қарсыласына есе жібергенін жазған болатынбыз.
Ашық көздерден алынған фото