Допты хоккейден Қазақстан құрамасы әлем чемпионатының жартылай финалында өнер көрсететін болады
ОРАЛ. 25 қаңтар. ҚазАқпарат /Елжан Ералы/ - Қазан қаласында өтіп жатқан допты хоккейден әлем чемпионатында Қазақстан құрамасы екінші кездесуінде де жеңіске жетті.
Бұл жолы қазақстандықтар АҚШ құрамасын 7:2 есебімен тізе бүктірді. Олар бірінші матчта дәл осындай есеппен Норвегия құрамасын жеңген болатын. Ресейліктер кеше күтпеген жерден финдерге 3:4 есебімен есе жіберсе, шведтер норвегтерді 12:0 есебімен ойсырата ұтты.
Қалған матчтардың нәтижесіне қарамастан Қазақстан үздік төрттіктің қатарында жүлделі орындар үшін таласатын болады.
