Дрезден қаласында нәсілшілдікке қарсы өткен шараға 35 мың адам қатысты

АСТАНА. ҚазАқпарат - Соңғы уақытта «Еуропаның исламдануына» қарсы апта сайын шеру өтіп жатқан Германиядағы Дрезден қаласында ксенофобия мен нәсілшілдікке қарсы тағы да акция ұйымдастырылып, оған 35 мыңға жуық адам қатысты, деп хабарлады ВВС.

«Батыстың исламдануына қарсы Еуропа патриоттары» (PEGIDA)ұйымы аталған қалада шерулерді қазан айынан бері ұйымдастырып келеді. Ангела Меркель мен Германияның белді саясаткерлері азаматтарға ондай шеруге бармау керектігін ескертті. Исламға қарсы соңғы акцияға 18 мыңға жуық адам жиналған.

Ал, сенбі күнгі өткен аталған ұйымның акциясына Дрезден қаласының басшысы қатысты. Шеруге қатысушылар Францияда қаза тапқан адамдарды 1 минут үнсіздікпен еске алды.